కరివేపాకు లాభాలు

కరివేపాకు లాభాలు

కరివేపాకుని అలా తీసిపారేయకండి

చాలామందికి కరివేపాకు అంటే పెద్దగా ఇష్టముండదు..ఆహారపదార్ధాల్లో అది కనిపిస్తే తీసిపారేస్తుంటారు. అయితే కరివేపాకే కదా అని పక్కన పడేయకండని నిపుణులు చెబుతున్నారు కరివేపాకు సువాసన మాత్రమే కాదు ఆరోగ్యాన్ని కూడా అందిస్తోంది. ఇందులోని ఔషద గుణాల వల్ల అనారోగ్యాలు దరిచేరవట. ముఖ్యంగా బరువు తగ్గేందుకు ప్రయత్నించేవారికి కరివేపాకు ఎంతో మేలు చేస్తుందట. ఇంకా ఎలాంటి ప్రయోజనాలు ఉన్నాయంటే…

☀ రోజూ నాలుగు కరివేపాకులను తినడం వల్ల శరీరంలో కొవ్వు నిల్వలు కరిగి బరువు తగ్గవచ్చు.
☀ కొవ్వు వలన రక్తం సరఫరా జరగదు. కనుక కరివేపాకు తింటే మేలు జరుగుతుంది.
☀ కరివేపాకు జ్యూస్ తాగినా బరువు తగ్గవచ్చు. ఇందుకు తగిన శారీరక శ్రమ కూడా చేయాల్సి ఉంటుంది.
☀ కరివేపాకులో ఉండే ఐరన్, ఫోలిక్‌ యాసిడ్‌ అధికంగా ఉండే రక్తహీనతను దూరం చేస్తుంది.
☀ రక్తంలో చక్కెర స్థాయిలు నియంత్రణలో ఉండాలంటే కొన్ని రోజులు కరివేపాకును తీసుకోండి.
☀ కరివేపాకులో ఫోలిక్‌ యాసిడ్‌, నియాసిన్‌, బీటా కెరటిన్‌, ఇనుము, క్యాల్షియం, పాస్ఫరస్‌, పీచు, మాంసకృత్తులు, కార్బొహైడ్రేట్‌లు పుష్కలంగా ఉంటాయి.
☀ బరువు తగ్గాలంటే మీ ఆహారంలో నిత్యం కరివేపాకు ఉండేలా చూడండి.
☀ కరివేపాకు క్లోమ గ్రంథిని ఉత్తేజితం చేయడం వల్ల ఇన్సులిన్ ఉత్పత్తి జరిగి గ్లూకోజ్ స్థాయిలు నియంత్రణలోకి వస్తాయి.
☀ కరివేపాకులో పీచు రక్తంలోని చక్కెర స్థాయి పెరగకుండా ఉంటుంది.
☀ కరివేపాకులో ఐరన్, జింక్, కాపర్ తదితర పోషకాలు సమృద్ధిగా ఉంటాయి.
☀ కరివేపాకులో లభించే ల్యూటిన్‌ అనే యాంటి ఆక్సిడెంట్‌ ఆరోగ్యానికి ఎంతో మేలు చేస్తుంది.
☀ వ్యాధి నిరోధక శక్తి పెంచి రోగాల బారిన పడకుండా కరివేపాకు కాపాడుతుంది.
☀ జీర్ణ సమస్యల నుంచి కరివేపాకు విముక్తి కలిగిస్తుంది.
☀ వికారం, వాంతులు వచ్చినట్లు ఉంటే కరివేపాకును ఆహారంతో కలిపి తీసుకోండి.
☀ కంటిచూపును మెరుగు పరచడంలోనూ కరివేపాకు బాగా పనిచేస్తుంది.
☀ కరివేపాకులో ఉన్న విటమిన్-ఏ కంటి సమస్యలను దూరంచేస్తుంది.
☀ కళ్లలో శుక్లాలు రాకుండా కరివేపాకు కాపాడుతుంది.
☀ కరివేపాకు వల్ల జీర్ణక్రియ సక్రమంగా జరిగి తగిన సమయానికి ఆకలి వేస్తుంది.
☀ నీటిలో కరివేపాకు ఆకులను మరిగించి.. కాస్త నిమ్మరసం, చక్కెర కలిపి ‘టీ’గా తీసుకుంటే జీర్ణ క్రియ మెరుగుపడుతుంది.
☀ రోజూ దీన్ని ఆహారంలో భాగంగా తీసుకుంటే కంటి సమస్యలను దూరం చేసుకోవచ్చు.
☀ కరివేపాకులో యాంటీ ఆక్సిడెంట్లు పుష్కలంగా ఉంటాయి.
☀ కరివేపాకులోని యాంటీ బ్యాక్టీరియల్, యాంటీ ఇన్‌ఫ్లామేటరీ గుణాల వల్ల ఇన్‌ఫెక్షన్లు దరిచేరవు.
☀ కరివేపాకు జ్వరం, శ్వాసకోశ సమస్యల నుంచి రక్షణ కలిగిస్తుంది.
☀ ఇవి రక్తంలో ఉండే చెడు కొలెస్ట్రాల్‌ను తగ్గించి, మంచి కొలెస్ట్రాల్‌ని పెంచుతుంది. హృద్రోగాలు కూడా దూరమవుతాయి.
☀ జ్ఞాపశక్తి సమస్య, మతిమరుపు గలవారు నిత్యం కరివేపాకులను తింటే మంచిది.
☀ కరివేపాకు తినటం వలన మూత్రపిండ సమస్యలు ఉండవు.
☀ కరివేపాకు తినడం ఇబ్బందిగా ఉంటే జ్యూస్ చేసుకుని తాగండి.
☀ కరివేపాకును ఆహారంలో తీసుకుంటే జుట్టు రాలే సమస్య ఉండదు.
☀ జుట్టు పెరగాలంటే కరివేపాకును ముద్దలా చేసుకుని తలకు పట్టించి అరగంటయ్యాక తలస్నానం చేయండి.
☀ బాలింతల్లో పాలు బాగా పడటానికి కరివేపాకు ఉపయోగపడుతుంది.
☀ కిడ్నీ రోగులు కరివేపాకును ఎక్కువగా తింటే త్వరగా కోలుకోవచ్చు.
☀ జీర్ణవ్యవస్థను మెరుగు పరచడంలో, డయేరియాను నివారించడంలో కరివేపాకు చక్కగా పనిచేస్తుంది.
☀ కాలిన గాయాలు, దురదలు, వాపులు, దెబ్బలు తదితర వాటిపై కరివేపాకు పనిచేస్తుంది.
☀ కరివేపాకులో యాంటీ సెప్టిక్ గుణాలు ఉండడం వల్ల ఎలాంటి గాయం అయినా, చర్మ సమస్యలైనా తగ్గుతాయి.
ఇన్ని ప్రయోజనాలు కలిగిన కరివేపాకును వద్దని వదిలేయగలమా? కాబట్టి.. ఈ రోజు నుంచి కరివేపాకును పక్కన పెట్టొద్దని నిపుణులు చెబుతున్నారు.

Send a Comment

Your email address will not be published.