బహుముఖ ప్రతిభాశాలి భానుమతీ

Bhanumati

సినీ పరిశ్రమని సుసంపన్నం చేసిన విధుషీమణుల్లో అగ్రస్థానంలో నిలిచిన ప్రతిభాశాలి భానుమతి. ఆమె కేవలం ప్రముఖ దక్షిణ భారత సినిమా నటి మాత్రమే కాదు, నిర్మాత, దర్శకురాలు, స్టూడియో అధినేత్రి, రచయిత్రి, గాయని మరియు సంగీత దర్శకురాలు కూడా. ఈ నెల 7వ తేదీ ఆమె 94వ జయంతి. భానుమతి 1926 వ సంవత్సరము సెప్టెంబరు 7 ప్రకాశం జిల్లా, ఒంగోలులో జన్మించింది. ఆమె తండ్రి బొమ్మరాజు వెంకటసుబ్బయ్య, శాస్త్రీయ సంగీత ప్రియుడు మరియూ కళావిశారదుడు. భానుమతి తండ్రి వద్ద నుండే సంగీతాన్ని అభ్యసించింది. అనేక కట్టుబాట్లు గల కుటుంబ వాతావరణంలో పెరిగినప్పటికీ ఆమె ఎంతో ధైర్యంగా పదమూడేండ్ల చిరుత ప్రాయంనాడే 1939 లో విడుదలైన వరవిక్రయం అనే సినిమాలో నటించింది. ఈ సినిమా నిర్మాణ సమయములో తన కుమార్తెను తాకరాదని ఆమె తండ్రి షరతు విధించాడట! హీరో, నిర్మాతలు అలాగే నడుచుకున్నారు.

Bhanumathi Ramakrishnaఆమె 1943, ఆగష్టు 8 న తమిళ, తెలుగు చిత్ర నిర్మాత, డైరెక్టరు, ఎడిటరు అయిన శ్రీ పి.యస్. రామకృష్ణారావును ప్రేమ వివాహమాడినది. వీరి ఏకైక సంతానం భరణి. ఈ భరణి పేరుమీదనే భరణీ స్టూడియో నిర్మించి, అనేక చిత్రాలు ఈ దంపతులు నిర్మించారు.

భానుమతి అర్ధ శతాబ్దానికి పైబడి సినీ రంగంలో ఉన్నప్పటికీ, భానుమతి నటించిన చిత్రాలు సుమారు నూరు మాత్రమే. ఆమె సినిమాలలో మల్లీశ్వరి, మంగమ్మగారి మనవడు వంటి ఆణిముత్యాలు ఎన్నో ఉన్నాయి. విజయా వారి మిస్సమ్మ సినిమాలో ప్రధాన పాత్రకు మొదట భానుమతినే తీసుకున్నారు. అయితే షూటింగు మొదలైన తర్వాత చక్రపాణికి ఆమె వ్యవహార శైలి నచ్చక ఆమె స్థానంలో సావిత్రిని తీసుకున్నారు. ఈ సంగతి గురించి ప్రస్తావిస్తూ భానుమతి ఏటా తాను వరలక్ష్మీ వ్రతం చేసుకుంటాను కనుక ఒక గంట లేటుగా వస్తానని ముందు రోజు చెప్పినా అధికారపూర్వకంగా చక్రపాణి నొప్పించారని రాసుకున్నారు. సావకాశంగా ఆలోచిస్తే చక్రపాణి తప్పేముంది నా సమయం బాగోలేదేమోనని భావించినట్టుగా వివరించారు. ఆ సినిమా విడుదలై, ఘన విజయం సాధించాక భానుమతి నేను మిస్సమ్మలో నటించక పోవడం వల్ల సావిత్రిలాంటి గొప్పనటి వెలుగులోకి వచ్చింది, అని సంతోషించింది.

భానుమతి కేవలము నటిగానే కాక బహుముఖ ప్రజ్ఞాశాలిగా పలువురి మన్ననలు అందుకున్నది. ఓ గాయనిగా, సంగీత దర్శకురాలిగా, స్టూడియో యజమానిగా, నిర్మాతగా, దర్శకురాలిగా, రచయిత్రిగా పలు పాత్రలు సమర్ధవంతంగా నిర్వర్తించి శభాష్ అనిపించుకున్నది.

పురస్కారాలూ- ప్రశంసలూ
bhanumathi stamp1956లో ఆంధ్ర ప్రదేశ్‌ రాష్ట్ర గౌరవ పురస్కారము
మూడు సార్లు జాతీయ అవార్డులు (అన్నై అను తమిళ సినిమాకు, అంతస్తులు, పల్నాటి యుద్ధం అను తెలుగు సినిమాలకు)
అన్నాదురై నడిప్పుకు ఇళక్కనం (నటనకు వ్యాకరణం) అని బిరుదు ఇచ్చి గౌరవించాడు.
తమిళ అభిమానులు అష్టావధాని అని కీర్తిస్తూ, ఈమె బహుముఖ ప్రజ్ఞను తలచుకుంటూ ఉంటారు
1966లో ఆమె వ్రాసిన అత్తగారి కథలు అను హాస్యకథల సంపుటికిగాను పద్మశ్రీ బిరుదు ఇచ్చి, భారత ప్రభుత్వము ఈమెను సత్కరించింది.
ఇదే సంపుటికి ఆంధ్ర ప్రదేశ్ రాష్ట్ర సాహిత్య అకాడెమీ అవార్డు కూడా వచ్చింది.
1975లో ఆంధ్ర విశ్వవిద్యాలయం గౌరవ డాక్టరేటు కళా ప్రపూర్ణ ఇచ్చి సత్కరించింది.
1984లో కలైమామణి బిరుదుతో తమిళనాడు లోని ఐయ్యల్ నాటక మన్రము సత్కరించింది.
బహుకళా ధీరతి శ్రీమతి అను బిరుదుతో 1984 ననే లయన్స్ క్లబ్బు సత్కరించింది.
1984లో తిరుపతి శ్రీవేంకటేశ్వర విశ్వవిద్యాలయం గౌరవ డాక్టరేటుతో సత్కరించింది.
1986లో ఆంధ్ర ప్రదేశ్‌ రాష్ట్ర ప్రభుత్వం రఘుపతి వెంకయ్య అవార్డును ఇచ్చింది.
1986లో ఉత్తమ దర్శకురాలిగా అవార్డును ఆంధ్ర ప్రభుత్వము నుండి అందుకుంది.
2013 లో భారత సినీ పరిశ్రమ వందేళ్ళు పూర్తి చేసుకున్న సందర్భంగా విడుదలయిన 50 ప్రముఖ చలనచిత్ర కళాకారుల తపాలాబిళ్ళలలో ఒకటి భానుమతి ది ఒకటి కావడం విశేషం.

భానుమతికి పేరుతెచ్చిన రచనలు
అత్తగారి కథలు, నాలో నేను, అత్తగారూ, నక్సలైట్లూ, భానుమతి కథానికలు

నటిగా…
manglaపెళ్ళికానుక (1998) …. సావిత్రమ్మ, చామంతి (1992), చెంబరుతి (1992), పెద్దరికం (1992) …. అడుసుమిల్లి బసవపున్నమ్మ, సామ్రాట్ అశోక్ (1992), బామ్మ మాట బంగారు బాట (1990), అన్నపూర్ణమ్మగారి అల్లుడు (1988), అత్తగారూ స్వాగతం (1988), ముద్దుల మనవరాలు (1986), మంగమ్మగారి మనవడు (1984) …. మంగమ్మ, గడసరి అత్త సొగసరి కోడలు (1981), మనవడి కోసం (1977), అమ్మాయి పెళ్ళి (1974), తాతమ్మ కల (1974) విచిత్ర వివాహం (1973), అంతా మన మంచికే (1972), మట్టిలో మాణిక్యం (1971), గృహలక్ష్మి (1967), పల్నాటి యుధ్ధం (1966) …. నాగమ్మ, అంతస్తులు (1965), తోడు నీడ (1965), బొబ్బిలి యుధ్ధం (1964) …. మల్లమ్మ, వివాహ బంధం (1964) …. భారతి, పెంచిన ప్రేమ (1963), బాటసారి (1961), అంబికాపతి (1957) …. రాకుమారి అమరావతి, నల దమయంతి (1957) …. దమయంతి, సారంగధర (1957) …. చిత్రాంగి. వరుడు కావాలి (1957). తెనాలి రామకృష్ణ (1956/I) …. రంగసాని, చింతామణి (1956) …. చింతామణి, మధురై వీరన్ (1956) …. రాకుమారి బొమ్మి, రంగూన్ రాధ (1956), తెనాలి రామన్ (1956) …. రంగసాని, అలీబాబావుమ్ నార్పతు తిరుడర్‌గలుమ్ (1955), కల్వనిన్ కథలి (1955) …. కళ్యాణి, విప్రనారాయణ (1954) …. దేవదేవి, అగ్గి రాముడు (1954)
చక్రపాణి (1954), మలైకళ్ళన్ (1954), చండీరాణి (1953/I) …. చండీరాణి, చండీరాణి (1953/II), ప్రేమ (1952) …. మోతి, మల్లీశ్వరి (1951) …. మల్లీశ్వరి
మంగళ (1951) …. మంగళ, మాయా రంభ (1950), అపూర్వ సహోదరులు (1950) …. రంజన, లైలామజ్ఞు (1949/I) …. లైల, రక్షరేఖ (1949) …. రాకుమారి కళావతి, నల్లతంబి (1949) …. పుష్ప, రత్నమాల (1947) …. రత్నమాల, గృహప్రవేశం (1946) …. జానకి, స్వర్గసీమ (1945) …. సుబ్బి/సుజాత దేవి, తాసీల్దార్ (1944) …. కమల, గరుడ గర్వభంగం (1943), కృష్ణ ప్రేమ (1943) …. చంద్రవల్లి, భక్తిమాల (1941) …. రాధ, ధర్మపత్ని (1941/I), ధర్మపత్ని (1941/II)
మాలతీమాధవం (1940), వర విక్రయం (1939) …. కాళింది

గాయని గా:
పెళ్ళికానుక (1998), బామ్మమాట బంగారుబాట (1990), ముద్దుల మనవరాలు (1986), మంగమ్మగారి మనవడు (1984), గడసరి అత్త సొగసరి కోడలు (1981), మట్టిలో మాణిక్యం (1971), పల్నాటి యుధ్ధం (1966), అంతస్తులు (1965), తోడు నీడ (1965), బొబ్బిలి యుధ్ధం (1964), వివాహబంధం (1964), బాటసారి (1961), నల దమయంతి (1957), వరుడు కావాలి (1957), తెనాలి రామకృష్ణ (1956/I), చింతామణి (1956), విప్రనారాయణ (1954), అగ్గిరాముడు (1954), చక్రపాణి (1954), చండీరాణి (1953/I), చండీరాణి (1953/II), ప్రేమ (1952), మల్లీశ్వరి (1951), మంగళ (1951), అపూర్వ సహోదరులు (1950), లైలామజ్ఞు (1949/I), రాజశేఖర (1949), రత్నమాల (1947), స్వర్గసీమ (1945), తాసీల్దార్ (1944), గరుడ గర్వభంగం (1943), కృష్ణ ప్రేమ (1943), ధర్మపత్ని (1941/I), వరవిక్రయం (1939)

దర్శకురాలిగా:….
అసాధ్యురాలు (1993), పెరియమ్మ (తమిళం) (1992), భక్త ధృవ మార్కండేయ (1982/I), భక్త ధృవ మార్కండేయ (1982/II), ఒకనాటి రాత్రి (1980), రచయిత్రి (1980), మనవడి కోసం (1977), వాంగ సంభందీ వాంగ (తమిళం) (1976), ఇప్పడియుమ్ ఒరు పెన్ (తమిళం) (1975), అమ్మాయి పెళ్ళి (1974), విచిత్ర వివాహం (1973), అంతా మన మంచికే (1972), గృహలక్ష్మి (1967), చండీరాణి (1953/I)
నిర్మాతగా…..బాటసారి (1961), వరుడు కావాలి (1957), చింతామణి (1956), విప్రనారాయణ (1954), చక్రపాణి (1954), చండీరాణి (1953/I), చండీరాణి (1953/II)
ప్రేమ (1952), లైలామజ్ఞు (1949/I), రత్నమాల (1947)

సంగీత దర్శకురాలిగా…..చింతామణి (1956), చక్రపాణి (1954)

నాలో నేను !
(భానుమతి గారి ఆత్మ కధ నుండి . .)
నాకు మధ్య తరగతి జీవనమే ఇష్టం. పెళ్ళైన కొత్తలో మాంబళం (మద్రాసు) మహాలక్ష్మి స్ట్రీట్ ఇంటి నెంబరు 12లో banuఉండేవాళ్ళం. పదిహేను రూపాయలు అద్దె. ఆ రోజుల్లో మేమిద్దరం చూసిన ఇంగ్లీష్, హిందీ సినిమాలు,
తిన్న ఐసుక్రీములు, తిరిగి ఇంటికి రావడానికి మౌంట్ రోడ్డులో పదకొండో నెంబరు బస్సుకోసం వెయిట్ చేయడం, అది రాకపోతే మళ్ళి సినిమాకెళ్ళడం ఇప్పటికి నా స్మృతి పధంలో మెదులుతాయి. ఈ రోజుల్లో కార్లు, బంగళాలు ఇవ్వలేని సుఖశాంతులు ఆ రోజులు నాకందించాయని ఇప్పటికీ నమ్ముతుంటాను.
.
రామారావుగారంటే నాకు చాలా గౌరవం. చాలాసార్లు నా దగ్గర సలహాలు తీసుకొనేవారు.నాకు రఘుపతి వెంకయ్య అవార్డు ఇచ్చినప్పుడు నా చేతికి బంగారు కంకణాన్ని తోడిగారు. ఆయన ముఖ్యమంత్రి అయిన తరువాత హైదరాబాదులో నన్ను ఘనంగా సన్మానించారు. ఇంటికి ఎప్పుడు వెళ్ళినా అత్తయ్య వచ్చిందంటూ పిల్లలందరినీ పిలిచి కాళ్ళకు నమస్కారం చేయించేవారు.
.
నాకు మొదటినుంచి కర్ణాటక సంగీతం అంటే చాలా ఇష్టం. మా సొంత సినిమాల్లో కచ్చితంగా క్షేత్రయ్య పదమో, త్యాగరాజ కీర్తనో, జయదేవాష్టపదో పెట్టేదాన్ని. అది నేను మా నాన్నగారికి చేసిన వాగ్దానం. అదొక శాసనంగా తీసుకున్నాను. త్యాగరాజ కీర్తనలు సినిమాల్లో పెడితే ఎవరు చూస్తారు. సిగరెట్లకి బయటకు వెళతారు అని మా వారు విసుక్కునేవారు.

2005 డిసెంబర్ 24 న చెన్నై లోని తన స్వగృహంలో భానుమతీ రామకృష్ణ పరమపదించింది. తన బహుముఖ ప్రజ్ఞా విశేషాలతో ఎన్నో సాధించి, ఎందరికో ఆదర్శంగా నిలిచిన భానుమతి మృతికి పలువురు ప్రముఖులు బాష్పాంజలి ఘటించారు.

Send a Comment

Your email address will not be published.