మెదడు శక్తివంతంగా ఉండాలంటే..?

మెదడు శక్తివంతంగా ఉండాలంటే..?

మెదడు మనశరీరంలో కీలకమైన అవయవం. మెదడు చైతన్యం కోల్పోతే ఇక జీవరాహిత్యమే. అటువంటి మెదడుని శక్తివంతంగా ఉంచుకోవడం మన కనీస బాధ్యత…
ఓ సర్వే ప్రకారం రంగురంగుల పండ్లు, కూరగాయలు తినడం అనేది మెదడుకు ఎంతో మంచిది అని స్పష్టమైంది. ఎందుకంటే మొక్కలు, కూరగాయల్లో ఎక్కువగా ఫ్లేవనాయిడ్స్ ఉంటాయి. తరచుగా వయసు పెరిగే కొద్దీ వృద్ధులకు మతిమరుపు వస్తుంటుంది. వారికి జ్ఞాపకశక్తి కూడా తగ్గిపోతుంది. దీంతో వారు నిరాశకు లోనవుతుంటారు. కానీ ఫ్లేవనాయిడ్స్ అనేవి చెట్లకు కాసే పండ్లకు ప్రకాశవంతమైన రంగులను ఇస్తాయి. ఈ రంగులను వృద్ధాప్యంలో ఉన్నవారు చూస్తే వారికి మతిమరుపుకు లోనయ్యే అవకాశం తక్కువగా ఉంటుందని ఓ అధ్యయనంలో నిరూపితమైంది. దీర్ఘకాలం పాటు అలాంటి ఫ్లేవనాయిడ్స్ ఉండే పండ్లు, కూరగాయలు తినడం వల్ల అది మెదడు ఆరోగ్యాన్ని ప్రభావితం చేస్తుందని శాస్త్రవేత్తలు భావిస్తున్నారు.

ఎర్ర ద్రాక్షలో కూడా కామన్ ఫ్లేవనాయిడ్స్ ఉంటాయి. వేరే ద్రాక్షతో పోలిస్తే ఈ ద్రాక్షల్లో సమృద్ధిగా ఉంటాయి. స్ట్రాబెర్రీ, బ్లూ బెర్రీ, బ్లాక్‌ బెర్రీ, రాస్బెర్రీ లాంటి బెర్రీ జాతికి చెందిన పండ్లలో యాంథోసైనిన్‌ అనే యాంటీ ఆక్సిడెంట్లు, ఫ్లేవనాయిడ్స్ సమృద్ధిగా ఉంటాయి. ఇవి మెదడు పనితీరును బాగా ప్రభావితం చేస్తాయి. ప్రత్యేకించి మెదడులో ఏర్పడే ఆక్సీకరణ ఒత్తిడిని తగ్గిస్తాయి. బెర్రీ పండ్లను రోజూ తీసుకోవడం వల్ల అన్ని వయసుల వారిలోనూ జ్ఞాపకశక్తి సామర్థ్యం పెరుగుతుందని పలు అధ్యయనాల్లో తేలింది.

కమలాపండ్లు వల్ల కూడా మంచి ఫ్లేవనాయిడ్స్ మనకి అందుతాయి. కమలా పండులో ఉండే ఫ్లేవనాయిడ్స్ జలుబు, ఫ్లూ, దగ్గు వంటి నుండి తగ్గిస్తుంది. ప్రతి రోజూ ఆరెంజ్ జ్యూస్ తీసుకోవడం వల్ల మీకు మంచి ఫ్లేవనాయిడ్స్ అంది ఆరోగ్యంగా ఉండటానికి సహాయ పడుతుంది. సాధారణంగా క్యాబేజ్ కూడా ఆరోగ్యానికి చాలా మంచిది. దీని కంటే కూడా ఎర్ర క్యాబేజీ ఎక్కువగా ఉంటాయి. ఇలా వైరస్ నుంచి క్యాబేజ్ మనల్ని బయట పడేస్తుంది.ఎర్ర క్యాబేజ్ లో ఉన్న ఫ్లేవనాయిడ్స్ మంచి ఆరోగ్యాన్ని ఇస్తాయి. కాబట్టి ఎర్ర క్యాబేజీని కూడా మీకు దొరికినప్పుడల్లా తీసుకోవడం మంచిది. సోయా కూడా చాలా మంచిది ఆరోగ్యానికి. దీనిలో కూడా ఫ్లెవనాయిడ్స్ ఉన్నాయి. రైనో వైరస్, ఇన్ఫ్లుఎంజా వైరస్ లాంటి వాటి నుంచి ఇది బయట పెడుతుంది. ఈ సర్వే ద్వారా ఇంకా తేలిందేంటంటే.. ఫ్లేవనాయిడ్స్ గట్ మైక్రోబియమ్‌తో కలిసి మనల్ని ప్రొటెక్ట్ చేస్తాయి. అంతేకాకుండా ఫ్లూ వంటి వైరల్ ఇన్ఫెక్షన్స్ నుంచి కూడా తప్పి స్తాయి. ఇలా మనకి వీటి వల్ల ఆరోగ్య ప్రయోజనాలు కలుగుతాయి.

శరీరానికి అందే శక్తిలో సుమారు 20 శాతం వరకు మెదడుకు వెళ్తుందని వైద్యులు చెప్తుంటారు. అందుకే మెదడు పనితీరును మెరుగుపరుచుకోవాలంటే జీడిపప్పు, బాదం, పిస్తా, వాల్‌నట్స్‌ వంటి గింజలు, విత్తనాలు అధికంగా తీసుకోవాలి. వీటిలో యాంటీ ఆక్సిడెంట్లు, ఒమేగా-3 ఫ్యాటీ ఆమ్లాలు పుష్కలంగా ఉంటాయి. అంతేకాదు వీటిలోని విటమిన్‌-ఇ శరీరంలోని ఆక్సీకరణ ఒత్తిడిని నిరోధిస్తుంది. ఇక గుమ్మడికాయ గింజలు, అవిసె గింజల్లో ఉండే జింక్‌, మెగ్నీషియం, విటమిన్‌-బి… తదితర పోషకాలు జ్ఞాపకశక్తి సామర్థ్యాన్ని పెంచుతాయి. వివిధ రకాల గింజలు, విత్తనాలను రోజువారీ ఆహారంలో భాగం చేసుకుంటే మేధోపరమైన సమస్యలకు దూరంగా ఉండవచ్చని కొన్ని అధ్యయనాలు చెబుతున్నాయి.

– బ్రొకోలీ, క్యాలీఫ్లవర్‌, క్యాబేజీ.. లాంటి కూరల్లో కె, సి, ఇ-విటమిన్లు, ఫ్లేవనాయిడ్లు, యాంటీ ఆక్సిడెంట్లు సమృద్ధిగా ఉంటాయి. ఇవి మెదడు సంబంధిత ఆరోగ్య సమస్యల నుంచి ఉపశమనం కలిగిస్తాయి. వీటిలోని గ్లూకోసినోలేట్స్ అనే సమ్మేళనం శరీరంలోని ఆక్సిడేటివ్‌ స్ట్రెస్‌ను తగ్గిస్తుంది. అల్జీమర్స్‌ లాంటి వ్యాధిగ్రస్తులకు ఇవి మంచి పోషకాహారం. బ్రొకోలీలో క్యాలరీలు తక్కువగా, డైటరీ ఫైబర్‌ ఎక్కువగా ఉంటుంది. బరువు తగ్గాలనుకునేవారు దీనిని రోజువారీ ఆహారంలో భాగం చేసుకోవాలి.

– ఒమేగా-3 ఫ్యాటీ ఆమ్లాలు అధికంగా లభించే సాల్మన్‌, ట్రౌట్‌, సార్డినెస్‌ చేపలను ఆహారంలో భాగం చేసుకుంటే మెదడు కణాల ఆరోగ్యం బాగా మెరుగుపడుతుంది. డిప్రెషన్‌, యాంగ్జైటీ లాంటి సమస్యల నుంచి కూడా ఉపశమనం పొందవచ్చు.

– మానసిక ఒత్తిడి నుంచి ఉపశమనం కలిగించి మెదడును చురుగ్గా మార్చడంలో తేనె బాగా పనిచేస్తుంది. ఇందులోని మాంగనీస్, ఫాస్ఫరస్, పొటాషియం, బి- విటమిన్‌.. మొదలైనవన్నీ మెదడు ఆరోగ్యానికి సహకరిస్తాయి. వీటితో పాటు తేనెలో ఉండే ఫ్రక్టోజ్‌ మెదడుకు ఇంధనంలా పనిచేసి దాని పనితీరును రెట్టింపు చేస్తుంది.

-డార్క్ చాక్లెట్లలో సమృద్ధిగా లభించే కెఫీన్, యాంటీ ఆక్సిడెంట్లు మెదడును చురుగ్గా ఉంచుతాయి. ఇందులోని ఫ్లేవనాయిడ్లు మెదడులో రక్తప్రసరణ సక్రమంగా జరిగేందుకు సహాయపడతాయి. కాబట్టి జ్ఞాపక శక్తిని రెట్టింపు చేసుకోవాలంటే రోజుకో ఒక డార్క్‌ చాక్లెట్‌ తినడం మంచిది.

-జ్ఞాపకశక్తిని పెంచడంలో గ్రీన్ టీ బాగా సహకరిస్తుంది. ఇందులోని కెఫీన్‌ మెదడును బాగా ప్రభావితం చేస్తుంది. కాబట్టి రోజూ కనీసం మూడు కప్పుల గ్రీన్‌టీ తాగితే అటు శరీరానికి, ఇటు మెదడు పనితీరుకు చాలా మంచిది. ప్రత్యేకించి అల్జీమర్స్, పార్కిన్సన్‌ వ్యాధుల తీవ్రతను తగ్గించడంలో ఈ పానీయం బాగా ఉపయోగపడుతుంది.

-మెదడు చురుగ్గా పని చేయాలన్నా, జ్ఞాపకశక్తి పెరగాలన్నా న్యూరో ట్రాన్స్‌మీటర్‌గా పని చేసే ఎసిటైల్కోలీన్ చాలా కీలకం. గుడ్లలో అధికంగా ఉండే కోలీన్ ఎసిటైల్కోలీన్ల ఉత్పత్తికి బాగా సహకరిస్తుంది. వీటిలోని ఫాస్పోలిపిడ్స్‌ మెదడుకు, నాడీ వ్యవస్థకు చాలా అవసరం. ఇందులోని పోషకాలు మెదడులోని కణాలను ఆరోగ్యంగా మారుస్తాయి.

Send a Comment

Your email address will not be published.