మెగాస్టార్ చిరంజీవి ప్రస్తుతం వశిష్టతో విశ్వంభర అనే చిత్రం చేస్తున్న సంగతి తెలిసిందే. ఈ మూవీ మీదున్న హైప్, బజ్ గురించి ప్రత్యేకంగా చెప్పాల్సిన పని లేదు. ఇప్పటికే వశిష్ట ఈ చిత్రం కచ్చితంగా చిరంజీవి కెరీర్‌లో టాప్ 3లో నిలుస్తుందని అన్నాడు. ఈ మూవీ సపరేట్‌గా ఓ కొత్త వరల్డ్‌ని క్రియేట్ చేస్తున్నానని, అందరికీ ఈ చిత్రం నచ్చుతుందని చాలా కాన్ఫిడెంట్‌గా చెబుతున్నాడు. ఇక వశిష్ట కాన్ఫిడెన్స్ చూసి అంతా ఈ మూవీ ఇండస్ట్రీ హిట్, బ్లాక్ బస్టర్ హిట్ అని ఫిక్స్ అవుతున్నారు.
వచ్చే ఏడాది సంక్రాంతి సీజన్ లో జనవరి 10న విశ్వంభర విడుదల కానుంది. ప్రస్తుతం క్లైమాక్స్ చిత్రీకరణలో టీం బిజీగా ఉంది. వశిష్ట తమిళ ఫైటర్లను రంగంలోకి దించారు. అనల్ అరుసు క్లైమాక్స్‌కు ఫైట్‌ను కంపోజ్ చేస్తున్నారు. ఇక ఇదిలా ఉంటే.. రెండు పాటల షూటింగ్ కూడా బ్యాలెన్స్ ఉందని సమాచారం.
ఆ రెండు పాటల్లో ఒకటి స్పెషల్ సాంగ్. ఆ సాంగ్ కోసం ఎవరిని సంప్రదిస్తారు.. ఎవరు ఆ పాటలో చిరు పక్కన డ్యాన్స్ వేస్తారన్నది చూడాలి. ఈ నెలలోనే టాకీ పార్ట్ పూర్తవుతుంది. ఇక పోస్ట్ ప్రొడక్షన్ పనులు పూర్తి చేయాలని వశిష్ట అనుకుంటున్నాడు.
ఇక విశ్వంభరలో ఐదుగురు హీరోయిన్లు కనిపించనున్నారు. చిరుకి జోడిగా త్రిష నటిస్తోంది. కీరవాణి అద్భుతమైన సంగీతాన్ని, ఆర్ఆర్‌ను రెడీ చేసినట్టుగా తెలుస్తోంది. చోటా కే నాయుడు విజువల్స్‌కు మరోసారి ఆడియెన్స్ థ్రిల్ అవ్వబోతున్నారు. నేటికి బింబిసార వచ్చి రెండేళ్లు అవుతోంది. వశిష్ట మొదటి చిత్రం బింబిసారకు వచ్చిన ప్రశంసలు అందరికీ తెలిసిందే. చిరుతో చేస్తున్న విశ్వంభరతో వశిష్ట మరింత పేరు తెచ్చుకోనున్నారని ఇండస్ట్రీ భావిస్తోంది.