అందరికీ నచ్చే సినిమా ‘పరమపద సోపానం’ అని వక్తలు అన్నారు.
అర్జున్ అంబటి, జెన్నిఫర్ ఇమ్మాన్యుయేల్ జంటగా నటించిన ఎమోషనల్ థ్రిల్లర్ ‘పరమపద సోపానం’. స్వయంభూ క్రియేషన్స్ పతాకంపై గణపర్తి నారాయణరావు, తేలప్రోలు ప్రసన్న నిర్మాతలుగా నాగ శివ దర్శకత్వంలో తెరకెక్కిన ఈ చిత్రం ఏప్రిల్ 24న ప్రేక్షకుల ముందుకు రానుంది. ఈ సందర్భంగా హైదరాబాద్లో నిర్వహించిన ప్రీ-రిలీజ్ ఈవెంట్కు ప్రముఖ దర్శకులు భీమనేని శ్రీనివాసరావు, సముద్ర, వీర శంకర్ ముఖ్య అతిథులుగా హాజరయ్యారు. వేడుకలో భీమనేని శ్రీనివాసరావు మాట్లాడుతూ.. చిత్ర బృందానికి విజయం చేకూరాలని ఆకాంక్షించారు. హీరో అర్జున్ అంబటి మాట్లాడుతూ, లెజెండరీ దర్శకుల సమక్షంలో ఈ వేడుక జరగడం గర్వంగా ఉందన్నారు.
దర్శకుడు భీమనేని శ్రీనివాసరావు మాట్లాడుతూ ప్రసన్న ఈ ‘పరమపద సోపానం’ చిత్రం గురించి నాకు చెప్పారు. డైరెక్షన్ డిపార్ట్మెంట్లో జాయిన్ అవుతానని ప్రసన్న నా దగ్గరకు వచ్చాడు. ఓ మూవీకి కూడా పని చేశాడు. దర్శకుడిగా కంటే ప్రొడక్షన్ సైడ్ వెళ్తే, ప్రొడక్షన్ మేనేజర్గా వెళ్తే బాగుంటుందని సలహా ఇచ్చాను. ఇప్పుడు మంచి స్థాయిలోకి వచ్చాడు. ఈ చిత్రంతో కొత్త వారు తెరకు పరిచయం కాబోతున్నారు. నాగ శివకి మంచి విజయం దక్కాలి. అర్జున్, జెన్నీఫర్లకు మంచి సక్సెస్ రావాలని కోరుకుంటున్నాను. ఈ సినిమా పెద్ద హిట్ అవ్వాలని కోరుకుంటున్నాను..అన్నారు. దర్శకుడు సముద్ర మాట్లాడుతూ “అచ్చ తెలుగులో ‘పరమపద సోపానం’ అని టైటిల్ పెట్టారు.
ప్రసన్నతో నాకెన్నో ఏళ్ల నుంచి బంధం ఉంది. నాగ శివ తీసిన ఈ చిత్రం పెద్ద హిట్ అవ్వాలని కోరుకుంటున్నాను. అర్జున్ లుక్స్, యాక్టింగ్ అద్భుతంగా ఉంటుంది. అర్జున్ పెద్ద హీరో అవుతాడు. జెన్నిఫర్కి తెలుగులో మంచి భవిష్యత్తు ఉండాలి. దేవ్ మంచి సంగీతాన్ని అందించారు. ఈ సినిమా జనాలు ఆదరించి పెద్ద హిట్ చేయాలని కోరుకుంటున్నానన్నారు. దర్శకుడు వీర శంకర్, హీరో అర్జున్ అంబటి, దర్శకుడు నాగ శివ, హీరోయిన్ జెన్నిఫర్ ఇమ్మాన్యుయేల్, డీఓపీ ఈశ్వర్, మ్యూజిక్ డైరెక్టర్ దేవ్ జాండ్ తదితరులు ఈ ఈవెంట్ లో మాట్లాడారు.