శరీరంలో ముఖ్యమైన అవయవం కాలేయం(లివర్), ఇది టాక్సిన్లను తొలగించడం, న్యూట్రియంట్‌లను నిల్వ చేయడం, జీర్ణక్రియలో సహాయపడడం వంటి అనేక కీలక పనులను నిర్వహిస్తుంది. అయితే, అనారోగ్యకరమైన జీవనశైలి, అధికంగా ప్రాసెస్‌డ్ ఆహారం తీసుకోవడం వల్ల కాలేయం పనితీరు దెబ్బతింటుంది. అందుకే కాలేయం ఆరోగ్యంగా ఉంచడానికి, శుభ్రపరిచేందుకు కొన్ని ప్రత్యేక ఆహారాలు అవసరమని నిపుణులు సూచిస్తున్నారు.
* నిమ్మకాయ వంటి సిట్రస్ ఫలాల్లో విటమిన్ సి, యాంటీఆక్సిడెంట్లు పుష్కలంగా ఉంటాయి. ఇవి లివర్‌లో శోషించబడిన విష పదార్థాలను క్లీన్ చేస్తాయి. రోజూ ఓ గ్లాస్ నిమ్మరసం తాగితే లివర్ పనితీరును మెరుగుపరచవచ్చు.
*గ్రీన్ టీలో కేటెచిన్స్ అనే శక్తివంతమైన యాంటీఆక్సిడెంట్లు ఉన్నాయి. ఇవి లివర్ సురక్షితంగా ఉండేందుకు సహాయపడతాయి. రోజూ ఒక కప్పు గ్రీన్ టీ తాగడం లివర్ ఫ్యాట్ తగ్గించడంలో ముఖ్య పాత్ర పోషిస్తుంది.
* కూరగాయలు, ఆవాల గింజలలో సల్ఫర్ అధికంగా ఉంటుంది. ఇవి లివర్ డిటాక్సిఫికేషన్‌ను గణనీయంగా ప్రోత్సహిస్తాయి. బ్రోకోలీ, కాలిఫ్లావర్ వంటి కూరగాయలు లివర్‌కు చాలా మంచివి.
* వెల్లుల్లి లివర్ ఎంజైములను యాక్టివేట్ చేయడంలో సహాయపడుతుంది. దీనిలోని అలిసిన్, సెలెనియం వంటి సంయోగాలు లివర్ డిటాక్సిఫికేషన్ ప్రాసెస్‌లో కీలకంగా ఉంటాయి.
* పాలకూర, ముల్లంగి ఆకులు వంటి ఆకుకూరల్లో యాంటీఆక్సిడెంట్లు, బీటా-కెరోటిన్ పుష్కలంగా ఉంటాయి. ఇవి లివర్‌ను రక్షించడంలో సహాయపడతాయి. జీర్ణవ్యవస్థను శుభ్రపరుస్తాయి . టాక్సిన్లను తొలగిస్తాయి.
* ఆవ నూనె శరీరంలో కొవ్వు నిల్వలను తగ్గించడంలో, లివర్ ఫంక్షన్‌ను మెరుగుపరచడంలో కీలకంగా పనిచేస్తుంది. రోజూ ఈ నూనె వినియోగం లివర్ పనితీరును మెరుగుపరుస్తుంది.
* ఆపిల్‌లో పెక్టిన్ అనే ఫైబర్ పుష్కలంగా ఉంటుంది. ఇది లివర్‌ను టాక్సిన్ల నుంచి శుభ్రపరచడంలో కీలక పాత్ర పోషిస్తుంది. ప్రతి రోజు ఆపిల్ తినడం లివర్ ఆరోగ్యానికి మంచిది. బీట్‌రూట్‌లో నైట్రేట్లు ,యాంటీఆక్సిడెంట్లు పుష్కలంగా ఉంటాయి. ఇవి రక్తాన్ని శుభ్రపరచడంలో, లివర్ పనితీరును మెరుగుపరచడంలో సహాయపడతాయి.
*వాల్‌నట్స్ లో ఒమెగా-3 ఫ్యాటీ యాసిడ్స్ పుష్కలంగా ఉంటాయి. ఇవి లివర్ శక్తిని పెంచుతాయి. టాక్సిన్లను తొలగిస్తాయి. లివర్ ఆరోగ్యాన్ని మెరుగుపరచడం కోసం ఆరోగ్యకరమైన ఆహారపు అలవాట్లు మెరుగుపర్చడం చాలా ముఖ్యం. ఒకవేళ లివర్ సమస్యలు ఉంటే, తప్పనిసరిగా వైద్యుడిని సంప్రదించాలి.