శివ విష్ణు మందిరంలో హోళీ

శివ విష్ణు మందిరంలో హోళీ  –  రంగుల పండుగ, మనసుల సంగమం

వసంత ఋతువు అడుగులు వేసే వేళ, ప్రకృతి పూలతో నవ్వుతుంటే, భారత సంస్కృతిలో ఆనందం రంగులుగా వికసించే పండుగే హోళీ. రంగుల సందడి, నవ్వుల హారతి, ప్రేమల పరిమళం – ఇవన్నీ కలసి మన జీవితాన్ని ఉత్సాహంతో నింపే మహోత్సవం హోళీ.

హోళీ పండుగకు పౌరాణికంగా గొప్ప ప్రాముఖ్యత ఉంది. భక్తి, ధర్మం, సత్యం ఎప్పటికీ జయిస్తాయనే సందేశాన్ని ఇది తెలియజేస్తుంది. భక్తుడైన ప్రహ్లాదుడిని రక్షించిన శ్రీహరి కృపను గుర్తుచేసుకుంటూ, అహంకారానికి ప్రతీక అయిన హోలిక దహనం కథ మనకు ఒక శాశ్వత సత్యాన్ని చెబుతుంది –
దుర్మార్గం ఎంత బలంగా కనిపించినా, ధర్మమే చివరకు గెలుస్తుంది.

వసంతపు మల్లెల పరిమళంలా, హోళీ మనసులను దగ్గర చేస్తుంది. కులం, మతం, వర్గం అనే గోడలను కరిగించి, ఒకరిపై ఒకరు రంగులు చల్లుకుంటూ మనుషుల మధ్య ప్రేమను పంచుతుంది. ఒక చిరునవ్వు, ఒక రంగు చుక్క – ఇవే ఈ పండుగ యొక్క అసలు సంపద.

మెల్బోర్న్ లోని శివ విష్ణు మందిరంలో ఈ నెల 7వ తేదీన హోళీ ఘనంగా జరిగింది.  హోళీ దహనకాండతో మొదలై రంగుల హరివిల్లుగా వెల్లివిరసి నవ్వుల పూదోటగా మారింది.  చాలామంది ప్రభుత్వ ప్రతినిధులు, స్థానిక అతిథులు ఈ కార్యక్రమానికి విచ్చేసి వారి సందేశాన్ని అందించారు.

1) Hon Sonya Kilkenny -Attorney General of Victoria & Planning Minister – Member for Carrum
2) Hon Julian Hill – Assistant Minister for Citizenship and Multicultural Affairs (Federal). Member for Bruce
3) Hon Jess Wilson – Leader of the Liberal party Victoria. Member for Kew
4) Hon Evan Mulholland – Shadow minister for Transport Infrastructure, Multicultural and Multifaith & Deputy Leader of the Liberal Party
5) Hon Jodie Belyea – Labor Federal Member for Dunkley
6) Anish Rajan- Consul General of India
7) Cr Sue Baker – Mayor of Frankston
8) Hon Lee Tarlamis – Labor Member of the Victorian Legislative council & Representative of South – Eastern Metropolitan Region
9)Hon Ann Marie Hermans- Liberal Member for South Eastern Metropolitan Region & Shadow Minister for Community Safety
10) Hon Pauline Richards – Member of the Legislative Assembly & Labor – Member for Cranbourne
11) Hon Eden Foster – Labor Member for Mulgrave.
12) Cr Steffi Conroy – Ex -Deputy Mayor of Frankston
13) Melissa Kaye – Regional Director Home Affairs (Vic & Tas)

శివ విష్ణు మందిరం అధ్యక్షురాలు శ్రీమతి ఉషా గుల్లపల్లి గారు ఈ కార్యక్రమం దిగ్విజయంగా జరిగినందుకు  వారి కార్యవర్గ సభ్యులకు మరియు అతిథులందరికీ పేరు పేరునా ధన్యవాదాలు తెలిపారు.

అయితే ఈ ఆధునిక హోళీ మధ్యలో కూడా మన సంప్రదాయం చెప్పే సందేశం మాత్రం మారలేదు —
ప్రేమను పంచడం, మనసులను కలపడం, ఆనందాన్ని విరజిమ్మడం.

హోళీ అంటే కేవలం రంగుల ఆట కాదు; అది మనసుల పండుగ.
మన మధ్య ఉన్న దూరాలను రంగులతో నింపే సంతోష గీతం.

వసంతం పూలతో నవ్వినట్టు, మనసు ప్రేమతో మాటాడినప్పుడు —
అక్కడే నిజమైన హోళీ పండుగ ప్రారంభమవుతుంది.