నట్స్, డ్రై ఫ్రూట్స్‌లో ఎన్నో పోషకాలు ఉన్నాయి. బరువు తగ్గేందుకు వీటిని తీసుకుంటారు. కానీ, సరైన మోతాదులో తీసుకోవడం ముఖ్యం. ఇందులో మాంసకృత్తులు పుష్కలంగా ఉన్నప్పటికీ గింజలు తగినంత పరిమాణంలోనే తీసుకోవాలి. లేకపోతే చాలా నష్టాలు ఉంటాయి. వీటిని ఎక్కువగా తీసుకోవడం వల్ల కొలెస్ట్రాల్, కొవ్వు పెరగుదలకి కారణమవుతుంది. దీన్ని ఎలా చేయాలో, సరైన మోతాదులో ఎలా తీసుకోవాలో నిపుణుల సూచనల్లో తెలుసుకుందాం.
ఇమ్యూనిటీని పెంచడానికి
నట్స్‌లో పోషకాలు పుష్కలంగా ఉంటాయి. ఇందులో ఆరోగ్యానికి మేలు చేసే హెల్దీ ప్యాట్స్, ప్రోటీన్, ఫైబర్ కూడా ఉంటాయి. అందువల్ల ఇది ఇమ్యూనిటీని పెంచడానికి హెల్ప్ చేస్తుంది. నట్స్ గుండె ఆరోగ్యాన్ని కాపాడతాయి. ఇందులోని హెల్దీ ఫ్యాట్స్ రక్తనాళాలను హెల్దీగా ఉంచుతాయి. ఇది రక్తంలో చక్కెర స్థాయిలను నియంత్రించి, మధుమేహాన్ని తగ్గించడంలో కూడా హెల్ప్ చేస్తుంది. అలాగే ఇందులో పీచు పదార్థాలు ఎక్కువగా ఉండడం వల్ల జీర్ణక్రియ సక్రమంగా జరిగేలా చేసి జీర్ణ సమస్యల్ని తగ్గిస్తుంది. ఇది కొలెస్ట్రాల్‌ని తగ్గించడంతో పాటు బరువు తగ్గుతుంది. జీర్ణ సమస్యల్ని కూడా తగ్గిస్తాయి.
బరువు తగ్గడానికి బాదం
బరువు తగ్గడానికి బాదం చాలా మంచిది. బాదంలో ప్రోటీన్ ఉంటుంది. ఇందులో మోనోశాచురేటెడ్ కొవ్వు కూడా ఉంటుంది. ఇది శరీర ఆరోగ్యానికి చాలా మంచిది. ఇందులో ఎక్కువగా ఫైబర్ ఉంటుంది. ఇది ఆకలిని తగ్గించి, అతిగా తినడాన్ని తగ్గిస్తుంది. బాదంపప్పులలానే పిస్తా కూడా తింటే మంచిది. ఉప్పు లేని పిస్తా తినడం చాలా మంచిది. పిస్తాలో ప్రోటీన్‌తో పాటు ఫైబర్ కూడా ఉంటుంది. ఇది ఆకలిని తగ్గించడంలో సాయపడుతుంది. సాయపడుతుంది. వాల్‌నట్స్ తినడం వల్ల బరువు తగ్గొచ్చు. ముఖ్యంగా ఇందులో ఒమేగా 3 ఫ్యాటీ యాసిడ్స్ ఉండడం వల్ల గుండె ఆరోగ్యానికి మేలు చేస్తుంది. అలాగే ఇందులోని ప్రోటీన్స్, ఫైబర్ బరువు తగ్గించడంలో సాయపడుతుంది. అదేవిధంగా, మీరు బరువు తగ్గడానికి జీడిపప్పు తినొచ్చు.
మంచి ప్రోటీన్స్
చాలా మందికి నట్స్ నుండి మంచి ప్రోటీన్స్ లభిస్తాయి. కాబట్టి, బరువు తగ్గాలనుకునేవారు నట్స్‌ని తింటారు. అయితే, నట్స్‌లో ప్రోటీన్, ఫైబర్ కంటే ఎక్కువ కొవ్వు ఉంటుంది. అందువల్ల, మనం పరిమితికి మించి తింటే, అది శరీర బరువును తగ్గించదు. బరువుని పెంచుతుంది.
ఇలా తినాలి..
నట్స్ తినడానికి కొన్ని పద్ధతులు కూడా ఉన్నాయి. బాదం, పిస్తాలను రోజుకి 5, 6 తింటే చాలు. భోజనానికి భోజనానికి మధ్యలో నట్స్ తినొచ్చు. అలాగే అన్నింటిని కలిపి తీసుకుంటే రోజుకి కొద్దిపాటి నట్స్ మాత్రమే తీసుకోండి. దీన్ని తినడం వల్ల బరువు తగ్గుతారు. దీని వల్ల పోషకాలు కూడా అందుతాయి. బరువు తగ్గాలనుకునేవారు ఉదయాన్నే ఖాళీ కడుపుతో నట్స్ తినొచ్చు. ఇందుకోసం గింజలను నానబెట్టి మరుసటి రోజు తినాలి. లేదా గింజలను మిక్సింగ్‌జార్‌లో వేసి రెండు ఖర్జురాలు, ఏదైనా పండుతో కలిసి స్మూతీలా చేయొచ్చు. దీనిని ఉదయాన్నే తీసుకుంటే పోషకాలు,శక్తిని అందించడానికి సాయపడుతుంది. కొంతమంది డ్రై ఫ్రూట్స్ ఫ్రై చేసి తింటారు. మసాలాతో కూడా తినొచ్చు. ఇలా నట్స్ తినడం వల్ల ఫ్యాట్ లెవల్స్ పెరుగుతాయి. నట్స్‌ని ఎప్పుడూ నానబెట్టి తినాలి. అదే విధంగా, తగిన మోతాదులోనే తినాలి. ఎక్కువగా తింటే బరువు పెరుగుతారు.