ఈ నెల 29న వస్తున్న కళ్యాణ్ రామ్ “డెవిల్”
ఇయర్‌ 2023కు గుడ్ ఎండింగ్ ఇచ్చేందుకు నందమూరి కళ్యాణ్ రామ్ “డెవిల్” సినిమాతో రాబోతోన్నాడు. బింబిసారను మించేలా డెవిల్ ఉండబోతోందని అంతా భావిస్తున్నారు. గత ఏడాది బింబిసార వంటి సోషియో ఫాంటసీ చిత్రంతో బ్లాక్ బస్టర్ కొట్టేశాడు కళ్యాణ్ రామ్. ఈ ఏడాది అమిగోస్ అంటూ వచ్చాడు. కానీ అంత సక్సెస్ కాలేదు. ఇక ఈ వారంలో అంటే డిసెంబర్ 29న ‘డెవిల్’తో వచ్చి.. ఈ ఏడాది ఘనంగా పూర్తి చేయబోతోన్నాడు. ఇప్పటికే పాటలు, టీజర్, ట్రైలర్‌లకు అద్భుతమైన రెస్పాన్స్ వచ్చిన సంగతి తెలిసిందే. ట్రైలర్‌కు ఇప్పటికే 12 మిలియన్లకు పైగా వ్యూస్‌ వచ్చాయి.. ఇప్పటి వరకు కళ్యాణ్ రామ్‌లో చూడని సరికొత్త డైమన్షన్‌ను డెవిల్ చిత్రంలో దర్శక నిర్మాత అభిషేక్ నామా చూపిస్తుండటం విశేషం.
బ్రిటీష్ కాలంలో గూఢచారి, బ్రిటీష్ ఏజెంట్ అనే కాన్సెప్ట్‌తో ప్రేక్షకులకు థ్రిల్ ఇవ్వబోతోన్నారు. సెన్సార్ కార్యక్రమాలు కూడా పూర్తి చేసుకున్న ఈ చిత్రం యు/ఎ సర్టిఫికేట్‌ను పొందింది. 2 గంటల 26 నిమిషాలుగా డెవిల్ రన్ టైమ్‌ను ఫిక్స్ చేశారు. మేకింగ్ పరంగా అభిషేక్ నామా ప్రతీ విషయంలో తన టేస్ట్‌ను చూపిస్తున్నారు. ప్రతీ చిన్న విషయంలోనూ జాగ్రత్తలు తీసుకుంటున్నారు. సెట్స్, ఆర్ట్ విభాగం, క్యాస్టూమ్, మ్యూజిక్ ఇలా ప్రతీ అంశంలో డెవిల్ గొప్పగా కనిపిస్తోంది. డెవిల్ చిత్రాన్ని తెలుగు, హిందీ, త‌మిళ్‌, క‌న్న‌డ భాష‌ల్లో రిలీజ్ చేస్తున్న సంగతి తెలిసిందే. ఈ సారి కళ్యాణ్ రామ్ పాన్ ఇండియా వైడ్‌గా డెవిల్‌తో సందడి చేయనున్నాడని అతని అభిమానులు భావిస్తున్నారు.