బాహుబలి పార్ట్ 3 కూడా వస్తుంది
పాన్ ఇండియా స్టార్ ప్ర‌భాస్ అభిమానుల‌కు గుడ్‌న్యూస్‌.. ఫ్యాన్స్ ఎంత‌గానో ఎదురుచూస్తున్న బాహుబలి పార్ట్ 3 గురించి ఓ క్రేజీ అప్‌డేట్ అందింది. దర్శకధీరుడు రాజమౌళి తెరకెక్కించిన బాహుబలి టాలీవుడ్ చిత్ర పరిశ్రమ స్థాయిని మ‌రింత పెంచింది. ఈ చిత్రం రెండు పార్ట్‌లు భారీ విజ‌యాన్ని అందుకున్న సంగతి తెలిసిందే. అయితే, అప్ప‌ట్లో బాహుబలి మూడో పార్ట్‌కూడా వుంటుంద‌ని చ‌ర్చ‌లు జ‌రిగాయి. తాజాగా ఈ విష‌యంపై నిర్మాత జ్ఞానవేల్ ఆస‌క్తిక‌ర‌మైన కామెంట్స్ చేశారు. ప్ర‌స్తుతం ఈ కామెంట్స్ వైర‌ల్‌గా మారాయి.
కోలీవుడ్‌ నిర్మాత కేఈ జ్ఞానవేల్ ఓ ఇంటర్వ్యూలో పాల్గొన్నారు. ఈ సంద‌ర్భంగా ఆయన మాట్లాడుతూ బాహుబలి మూడో భాగంపై ఆసక్తికర కామెంట్స్చేశారు. బాహుబలి రెండు భాగాలకు తమిళంలో కేఈ జ్ఞానవేల్ నిర్మాతగా వ్యవహరించారు. ప్ర‌స్తుతం ఆయన కంగువా సినిమాకు నిర్మాతగా వ్య‌వ‌హ‌రిస్తున్నారు. ఈ సినిమా ప్రమోషన్స్లో భాగంగా ఆయన మాట్లాడారు. ‘గతవారమే బాహుబలి మూవీ మేకర్స్‌తో చర్చించాను. మూడో భాగం ప్లాన్‌ చేసే పనిలో ఉన్నాం. అయితే, ఆ సినిమా క‌న్నా ముందు రెండు సినిమాలు ఉన్నాయంటూ చెప్పుకొచ్చారు.