కొలెస్ట్రాల్ మన ఆరోగ్యానికి చెడు చేస్తుందని కంగారు పడతాం. శరీరంలో కొలెస్ట్రాల్ ఎక్కువగా ఉంటే.. గుండె జబ్బులు వస్తాయని అనుకుంటాం. నిజానికి.. కొలెస్ట్రాల్ రెండు రకాలు ఉంటుంది. మంచి కొలెస్ట్రాల్, చెడు కొలెస్ట్రాల్. చెడు కొలెస్ట్రాల్‌ని ఎల్‌డీఎల్‌, మంచి కొలెస్ట్రాల్‌ని హెచ్‌డీఎల్‌ అని పిలుస్తారు. హెచ్‌డిఎల్‌ రక్తనాళాల్లోని చెడు కొలెస్ట్రాల్‌ను తొలగించి, కాలేయానికి పంపిస్తుంది. ఇక్కడ కొలెస్ట్రాల్ విచ్ఛిన్నం అవుతుంది. హెచ్‌డిఎల్‌ స్థాయి తక్కువగా ఉంటే. గుండె రక్తనాళాల వ్యాధి ప్రమాదం పెరుగుతున్నట్లే. గుండె పోటుకు బలమైన కారణం ఎల్‌డిఎల్‌ పెరగడం కన్నా హెచ్‌డిఎల్‌ తగ్గడమే. మన శరీరంలో చెడు కొలెస్ట్రాల్ తగ్గించాలనుకుంటే.. మంచి కొలెస్ట్రాల్ పెంచుకోవాల్సిందే. మంచి కొలెస్ట్రాల్ మరీ తక్కువగా ఉంటే రక్తనాళాల్లో పూడికలు తెచ్చే అథెరోస్ల్కీరోసిన్‌ వ్యాధి, గుండెపోటు రావచ్చని డాక్టర్లు చెబుతున్నారు. శరీరంలో మంచి కొలెస్ట్రాల్ పెంచడానికి.. పోషక ఆహారం తీసుకోవడమే సరైన మార్గం
సహజ కొవ్వులు తీసుకోవాలిశరీరంలో మంచి మంచి కొలెస్ట్రాల్ పెరగడానికి డైట్‌ లో కొవ్వు ఉండే ఆహార పదార్థాలను చేర్చుకోవాలి. ఆహారంలో గింజలు, చేపలు, ఆవాల నూనె,
ఆలివ్ నూనె, అవకాడో వంటివి చేర్చుకోవాలి. ఒమేగా-3 కొవ్వులు.. ఓట్స్‌, అవిసె గింజలు, గుమ్మడి గింజలు, మొలకెత్తిన ధాన్యాలు ఈ పదార్థాలు శరీరానికి మంచి కొవ్వు అందిస్తాయి. ఇవి శరీరానికి హాని చేయవు.ఫైబర్‌ ఫుడ్స్మంచి కొవ్వును పెంచుకోవడానికి పీచు ఎక్కువగా ఉండే ఆకుకూరలు, కాయగూరలు.. కాల్షియం ఎక్కువగా ఉండే పాలు, గుడ్లు, చేపలు, పండ్లను ఎక్కువగా తీసుకోవాలి.నీలిరంగు ఆహారంనీలిరంగులో ఉండే కూరగాయలు, పండ్లు తీసుకుంటే హెచ్‌డీఎల్‌ పెరిగే అవకాశం ఉంటుంది. వంకాయ, బ్లూబెర్రీ, బ్లాక్‌ బెర్రీస్‌తో మంచి కొలస్ట్రాల్‌ పెరుగుతుంది. వీటిలో ఆంథోసైనిన్స్ అనే యాంటీఆక్సిడెంట్లు ఉంటాయి. ఇది మంచి కొలెస్ట్రాల్‌ను పెంచుతుంది.వ్యాయామంరోజూ వ్యాయామం చేయడం వల్ల శరీరంలో నిల్వ ఉన్న చెడు కొలెస్ట్రాల్ తగ్గడమే కాకుండా శరీరానికి లెక్కలేనన్ని ప్రయోజనాలు కలుగుతాయి. పోషకాహార నిపుణుల అభిప్రాయం ప్రకారం.. ఏరోబిక్ వ్యాయామం, అధిక-తీవ్రత వ్యాయామాలు కూడామంచి కొలెస్ట్రాల్ స్థాయిలను మెరుగుపరచడంలో సహాయపడతాయి.