సెప్టెంబర్ 1న బాలకృష్ణ నట స్వర్ణోత్సవ వేడుకలు
*ముఖ్య అతిధిగా హాజరవుతున్న మెగాస్టార్ చిరంజీవి
నందమూరి బాలకృష్ణ నట ప్రస్థానానికి 50 సంవత్సరాలు. ఈ సందర్భంగా నందమూరి బాలకృష్ణ స్వర్ణోత్సవ వేడుకలు అత్యంత ఘనంగా నిర్వహించడానికి పెద్ద ఎత్తున ఏర్పాట్లు జరుగుతున్నాయి. అయితే నందమూరి బాలకృష్ణ స్వర్ణోత్సవ వేడుకను సెప్టెంబర్ ఒకటవ తేదీన హైదరాబాద్లో నిర్వహించనున్న నేపథ్యంలో ఈ కార్యక్రమానికి సినీ రంగ ప్రముఖులను ఆహ్వానిస్తున్నారు.
ఈ క్రమంలోనే ఈ కార్యక్రమంలో చిరంజీవికి ప్రత్యేకంగా సినీ రంగ ప్రముఖులందరూ వెళ్లి మరి ఆహ్వానాన్ని అందించారు. బాలకృష్ణ సినీ రంగ ప్రవేశం చేసి 50 వసంతాలు పూర్తి చేసుకున్న సందర్భంగా సెప్టెంబర్ 1వ తేదీన జరగనున్న వేడుకలో బాలకృష్ణ సమకాలికులతో పాటు ఎంతోమంది సినీ రంగ ప్రముఖులకు ఆహ్వానాలను అందిస్తున్నారు. అత్యంత ఘనంగా బాలయ్యా మజాకా అనే విధంగా ఈవెంట్ ను ప్లాన్ చేస్తున్నారు.
హైదరాబాద్లోని హైటెక్స్ నోవాటెల్ హోటల్ లో తెలుగు సినీ పరిశ్రమ ఆధ్వర్యంలో గ్రాండ్ గా జరగనున్న ఈ సెలబ్రేషన్స్ కు మెగాస్టార్ చిరంజీవికి సోమవారం ఆహ్వానం అందించారు. ఒకే వేదికపై బాలయ్య, మెగాస్టార్ చిరంజీవి నందమూరి బాలకృష్ణ స్వర్ణోత్సవ వేడుకలలో ఫ్యాన్స్ కు కనువిందు చేయనున్నారు. బాలయ్య కోసం కదిలిన ఇండస్ట్రీ ఇక నందమూరి బాలకృష్ణ సినీ ప్రస్థానంలో 50 వసంతాల వేడుకకు చిరంజీవిని ఆహ్వానించడానికి సెలబ్రేషన్స్ తెలుగు సినీ పరిశ్రమ ఆధ్వర్యంలో నిర్వహించే బృందంతో పాటు తెలంగాణ స్టేట్ ఫిలిం చాంబర్ ఆఫ్ కామర్స్ తెలంగాణ ఫిలిం ఛాంబర్ ఆఫ్ కామర్స్ మూవీ ఆర్టిస్ట్ అసోసియేషన్ సభ్యులు పదుల సంఖ్యలో చిరంజీవిని కలిశారు. ఒక్క మాటలో చెప్పాలంటే బాలకృష్ణ గోల్డెన్‌ జుబ్లీ వేడుకలకు గెస్ట్ గా చిరంజీవిని ఆహ్వానించేందుకు ఇండస్ట్రీ మొత్తం కదిలింది. ఇక తనకు ఆహ్వానాన్ని అందించిన వారితో చిరంజీవి చాలా సేపు ముచ్చటించారు . స్వర్ణోత్సవ వేడుకలు సందర్భంగా ఏమేమి చేయబోతున్నారు అని అనేక అంశాలను నాలుగు సంస్థల పెద్దలతో మాట్లాడి తెలుసుకున్నారు. తప్పకుండా వస్తానని చిరంజీవి వారికి హామీ ఇచ్చారు.