శరీరంలో డయాఫ్రాగమ్ అనే కండరానికి సంబంధించి జరగే అనియంత్రిత చర్య ఎక్కిళ్లు. ఇది ఊపిరితిత్తుల కింద ఉండే కండరమై, శ్వాసకు సహాయపడుతుంది. డయాఫ్రాగమ్ అకస్మాత్తుగా సంకోచించడం వలన శ్వాసనాళం అకస్మాత్తుగా మూసుకుపోయి ఎక్కిళ్లు వస్తాయి. ఈ శబ్దం అనేది గ్లోటిస్ అనే భాగం అకస్మాత్తుగా మూసుకుపోవడం వల్ల వస్తుంది.
అనేక కారణాల వల్ల ఎక్కిళ్లు రావచ్చు. వేగంతో అన్నం తినడం వల్ల గాలి కూడా ఎక్కువగా పేగులలో చేరుతుంది, ఇది ఎక్కిళ్లకు దారితీస్తుంది. బిగ్గరగా నవ్వడం, వేగంగా తినడం, లేదా చల్లటి పానీయాలను తాగడం వల్ల ఎక్కువ గాలి గొంతులోకి వెళ్తుంది. ఇలాంటి సమయంలో ఎక్కిళ్లు వచ్చే అవకాశం ఉంది. కారం ఎక్కువగా ఉన్న ఆహారం, లేదా శరీరానికి అలెర్జీ కలిగించే పదార్థాలు తీసుకుంటే ఎక్కిళ్లు వస్తాయి. మానసిక ఒత్తిడి లేదా భావోద్వేగాలు కూడా ఎక్కిళ్లకు కారణమవుతాయి. కొన్ని విటమిన్లు , ఖనిజాల లోపం కూడా డయాఫ్రాగమ్‌కు ఇబ్బంది కలిగించవచ్చు.
అన్నం తినేటప్పుడు ఎక్కిళ్లు రావడం అన్నం తినేటప్పుడు ప్రత్యేకంగా ఎక్కిళ్లు రావడానికి ప్రత్యేకమైన కారణాలు ఉన్నాయి. చిన్నగా నమిలి తినకుండా పెద్ద ముక్కలు మింగడం వల్ల గాలి ఊపిరితిత్తుల్లోకి చేరుతుంది. తిన్న ఆహారపు ఉష్ణోగ్రత డయాఫ్రాగమ్‌ను ప్రభావితం చేయవచ్చు. తినేటప్పుడు తగినంత నీరు తీసుకోకపోతే ఆహారం తేలికగా దిగదు, ఇది ఎక్కిళ్లకు కారణం అవుతుంది.
చిన్నగా చల్లటి నీటిని మెల్లగా తాగితే ఎక్కిళ్లు తగ్గుతాయి. ఒకసారి లోతుగా శ్వాస తీసుకుని కొంతసేపు ఆపి విడుదల చేయడం వల్ల ఎక్కిళ్లు తగ్గుతాయి. ఒక స్పూన్ తేనెను నోట్లో ఉంచి మెల్లగా మింగడం ఉపశమనం ఇస్తుంది. ఎక్కిళ్లు వచ్చినప్పుడు తినే ప్రక్రియను తాత్కాలికంగా ఆపి కొన్ని నిమిషాలు వేచి చూస్తే ఫలితం ఉంటుంది.
ఎక్కిళ్లు సాధారణంగా కొద్ది సమయంలో తగ్గిపోతాయి. అయితే, అవి గంటల తరబడి లేదా రోజులు పాటు కొనసాగితే, అది ఆరోగ్య సమస్యకు సంకేతం కావచ్చు. అందువల్ల వైద్యుడిని సంప్రదించాలి.