ఈ ఐదింటిని దూరంగా ఉంచితే ఆరోగ్యమే!
*************************
ఆరోగ్యమే మహాభాగ్యం అనేది లోకోక్తి. ఒకవేళ అనుకోకుండా ఆరోగ్యం దెబ్బతింటే.. మనం ఏం చేయలేం. అందుకే ఆరోగ్యాన్ని జాగ్రత్తగా ఉంచుకోవాలి. ముఖ్యంగా మన ఆరోగ్యం తినే ఆహారం మీద ఆధారపడి ఉంది. ఆరోగ్యానికి ప్రమాదాన్ని తెచ్చే కొన్ని ఆహారాలకు ఎంత దూరంగా ఉంటే అంత మంచిది. అలాంటి ఓ ఐదు తెల్లటి ఆహారాల్ని ఎక్కువ తినకూడదంటున్నారు నిపుణులు.
వైట్ బ్రెడ్
వైట్ బ్రెడ్‌లో పీచు పదార్థం ఉండదు. దీంతో.. ఇది జీర్ణక్రియకు మంచిది కాదు. ఇది ఎక్కువ తినడం వల్ల కడుపు ఉబ్బరం, అజీర్తి, గ్యాస్ వంటి సమస్యలు వస్తాయంటున్నారు . అంతేకాకుండా వైట్ బ్రెడ్ తీసుకోవడం వల్ల రక్తంలో చక్కెర స్థాయిలు పెరుగుతాయి. దీనిని ఎక్కువ తింటే బరువు పెరిగే ప్రమాదముంది. శుద్ది చేసిన వైట్ బ్రెడ్‌లో కార్బోహైడ్రేట్లు ఎక్కువగా ఉంటాయి. ఇది తినడం వల్ల శరీరంలో మంట, వాపు వచ్చే ప్రమాదముంది. అందుకే వైట్ బ్రెడ్ జోలికి పోకూడదు..అని నిపుణులు సూచిస్తున్నారు.
అన్నం
రోజూ అన్నం మితంగా తీసుకోవాలి. ఎక్కువగా తింటే శరీరంలో చక్కెర స్థాయి పెరుగుతుంది. అన్నంలో అధిక మొత్తంలో కార్బోహైడ్రేట్లు ఉంటాయి. ఇది ఊబకాయానికి కారణమవుతుంది. అన్నంలో ఎక్కువ విటమిన్లు, ఖనిజాలు ఉండవు. బరువు తగ్గాలనుకునేవారు అన్నం ఎక్కువ తినకపోవడమే మంచిది. అన్నాన్ని ఎక్కువగా తీసుకోకూడదు. మితంగా తింటేనే ఆరోగ్యానికి మంచిది.
చక్కెర
తెల్ల చక్కెర ఎక్కువ తీసుకోకూడదంటున్నారు నిపుణులు. చక్కెర ఎక్కువ తింటే ఆరోగ్యానికి ముప్పు కలుగుతుందని హెచ్చరిస్తున్నారు. చక్కెర ఎక్కువ తీసుకోవడం వల్ల రక్తంలో షుగర్ లెవల్స్ పెరిగే ప్రమాదముంది. డయాబెటిస్ ఉన్నవారు చక్కెర తీసుకోకూడదు. చక్కెర ఎక్కువగా తినడం వల్ల తాత్కాలికంగా ఎనర్జీ వస్తుంది. కానీ, కొన్ని వ్యతిరేక ప్రభావాల వల్ల శక్తిని కోల్పోయి నీరసంగా ఉంటారు. చక్కెర ఎక్కువ తీసుకోవడం వల్ల డిప్రెషన్ పెరుగుతుంది. అందుకే చక్కెర బదులు బెల్లం, బ్రౌన్ షుగర్ వాడటం మంచిదంటున్నారు.
ఉప్పు
తెల్ల రంగులో ఉండే ఉప్పు ఎక్కువ తీసుకోవడం ఆరోగ్యానికి చాలా హానికరం. ఉప్పు ఎక్కువగా తీసుకోవడం వల్ల శరీరంలో సోడియం స్థాయిలు ఎక్కువగా పెరుగుతాయి. దీంతో.. దాహం ఎక్కువగా వేస్తుంది. యూరిన్‌కి ఎక్కువగా వెళ్లాల్సి వస్తుంది. ఉప్పు ఎక్కువగా తీసుకునేవారి శరీరంలో వాపులు వచ్చే ప్రమాదముంది. ఉప్పు ఎక్కువగా తీసుకోవడం వల్ల కాల్షియం స్థాయిపై ప్రభావం చూపుతుంది. దీంతో, ఎముకలు బలహీనంగా మారే ప్రమాదముంది. మోతాదుకు మించి ఉప్పు తీసుకోవడం వల్ల శరీరంలో ఇమ్యూనిటీ పవర్ తగ్గుతుంది. వ్యాధుల బారిన పడే ప్రమాదముంది. తెల్ల ఉప్పు బదులు రాక్ సాల్ట్ తీసుకోవడం కొంతవరకూ శ్రేయస్కరం.
వెన్న
మజ్జిగ చిలికిన తర్వాత వచ్చిన వెన్న ఆరోగ్యానికి మంచిదే. అయితే, ఎక్కువగా తీసుకోవడం మాత్రం ప్రమాదకరం. ఇది.. బెల్లీ ఫ్యాట్‌ని ఊబకాయాన్ని పెంచుతుంది. రోజూ వెన్న ఎక్కువగా తీసుకుంటే బరువు పెరిగే ప్రమాదముంది. సంతృప్త కొవ్వు స్థాయిలు పెరుగుతాయి. దీంతో జీర్ణక్రియపై ప్రభావం చూపుతుంది. ఇది కొలెస్ట్రాల్ స్థాయిల్ని కూడా పెంచుతుంది. అందుకే అధిక కొవ్వుతో బాధపడేవారు వెన్నకి దూరంగా ఉండాలి. నిపుణుల ప్రకారం వెన్న బదులు కొబ్బరి నూనె లేదా ఆలివ్ నూనె తీసుకోవడం కొంతవరకూ మంచిది.